Dasturlash haqida Afsonalar

Dasturlashni o'rganish uchun matematikadan a'lo bo'lish kerak

    Ko’pchilik insonlar, matematika va dasturlash to’g’ridan to’g’ri bir-biriga bog’liq deb  o’ylaydi. Lekin dasturchi, o’zining ko’p vaqtini kodlar yozishga sarflaydi, matematik formulalarni yozishga emas. Matematika bilan dasturlash bevosita bir-biriga bog’liq emas. Lekin, siz dasturchi bo’lishingiz uchun Algebra asoslarini bilishingiz shart. Va shuningdek sizga muammoni yechish mahorati kerak (Mantiqiy fikrlash deyishimiz ham mumkin).

   O’yin yaratish o’zi bir yo’nalish va Game Developerlarga qo’shimcha bilimlar kerak bo’ladi, misol uchun, Trigonametriya va Fizikani bilishi kerak. Lekin xozirda, game development uchun ko’plab plugin va library lar chiqib ketgan. Ya’ni siz tayyor freymworklardan foydalanib matematik qiyinchiliklarga uchramasdan o’yinlar yaratishingiz mumkin.

Kodlash zerikarli jarayon

    Kodlash juda qiziqarli jarayon. Bu narsa sizga biroz mushkullik tug’dirishi mumkin, lekin kodlash juda qiziqarli. Kodlash bu biror sayt yaratish emas. Bu, kompyuter texnologiyalarini yaratish degani. Bu texnologiyalarni video o’yinlarda, tibbiyot gadjetlarida, samoviy uskunalarda topishingiz mumkin. Kodlash bu hammasi yaratuvchanlik haqida. Bu ma’lum oqim ishini osonlashtirishga yordam beruvchi biror narsa yaratish. Kodlashni o’rganish orqali siz texnologiya olamidagi har qanday sanoat sohalarida ishlashingizga imkon yaratadi. Shuning uchun kodlash xech qachon zerikarli bo’lmaydi.

Agarda sizning yoshingiz katta bo’lsa, siz dasturlashni o’rgana olmaysiz.

    Ko’pchilik ma’lum bir yoshdan keyin biror narsa o’rganish qiyin bo’ladi deyishadi. Bu gapga hamma ham to’liqligicha ishonmaydi. Agarda sizda yangi narsani o’rganishga ishtiyoq bo’lsa, har qanday yoshda o’rgana olasiz. Va shuni yodingizda saqlashingiz zarur, biror narsani o’rganishga xech ham kech bo’lmaydi. Dasturlash bu juda shiddatli ravishda o’sib borayotgan soha hisoblanadi. Xozirda, internet tarmoqlarida dasturlashni o’rganish uchun minglab, millionlab ma’lumotlar mavjud. Va bular har qanday yoshdagi dasturlashni o’rganayotganlar uchun yordam beryapdi. Siz dasturlashni o’rganib biror joyda ishlashingiz uchun sizda maqsad va bilim bo’lsa yetarli. Xech kim xech qachon biror narsani to’liq o’rgana olmaydi. Bu aynan, texnologiya sohasiga mos keladi. Har soatda, har daqiqada yangi texnologiya taqdim qilinyapdi. Demak, biz doim o’rganishda bo’lishimiz lozim.

Bitta tilni masteri bo’lsangiz bo’ldi.

    Xo’sh, bu so’zlarni ko’pchilik aytadi. Lekin, bu so’zlar TO’LIQLIGICHA XATO. Dasturlash doimo o’sib bormoqda va qachonki siz bir tilni masteri bo’lgandek his qilsangiz, siz boshqa millionlab yangi ma’lumotlarni o’rganish uchun topasiz va o’rganishga majbur bo’lasiz. Bilimingizni mustahkamlaysiz va hokazo. O’rganish xech qachon to’xtamaydi. 

O’zingizga yoqqan bitta tilni yaxshilab o’rganing. Bo'ldi!

    Ko’p dasturchilar bitta tilni o’rganish, bir nechta tilni o’rganishdan Afzal deyishadi. Bu umuman xato. To’g’ri birinchi navbatda, bitta tilni mukammal o’rganib olshingiz zarur. Lekin, siz kelajakda faqat bitta til bilan emas bir necha tillar bilan ishlashingizga to’g’ri keladi. Demoqchimanki, siz iloji boricha yangi tillarni o’rganib borishga harakat qilishingiz zarur. 

    Har bir til o’z maqsadi yo’lida ishlaydi. Misol uchun bitta til, Backend da ma’lum ishni qilish uchun zo’r, yana bittasi Desktop development uchun qulay va hokazo. Endi bunday olib qarang… Dasturingizni Frontend tomonini Delphida yozdingiz, keyin baza bilan bog’lanish kerak, endi SQL ishlatamiz. Endi dasturimizda barcha Actionlarni track qilib Serverdagi biror bazaga send qilishimiz va uni qayta ishlab Administratorga grafik ko’rinishida ko’rsatishimiz kerak. Endi bularni qilish uchun ham yana bir necha tillarni yoki texnologiyalarni bilishingiz zarur. Endi bu yog’ini o’zingiz o’ylab ko’ring!

O’rganish uchun oliygohda o’qishingiz kerak.

    Balki siz, Kungfu jang sanatini o’rganish uchun Akademiyada o’qishingiz kerak bo’lar, lekin dasturlashni o’rganish uchun emas. Oliy ma’lumotli degan xujjatli bo’lish bu juda zo’r narsa (meni fikrimcha J ). Lekin, dasturlashni o’rganish uchun internetdan millionlab ma’lumotlarni topib o’rganishingiz mumkin. Yoki, yurtimizdagi biror o’quv markazlarida o’rganishingiz mumkin, yoki MeetUp larga qatnashib har xil mavzularda o’z bilimingizni oshirib borishingiz mumkin (Albatta, bundan oldin dasturlashdan kuchli asosga ega bo’lishingiz lozim). 

    Masalan, UzGeeks ni misol keltirsak bo’ladi. Ular qo’ldan kelgancha kuchli dasturchilarni yig’ib, yangi o’rganilgan bilimlarini bir-biri bilan ulashish uchun MeetUp lar uyushtirib turishadi. Umuman, dasturlashni internet tarmog’ida mukammal darajada o’rganish imkoniyati mavjud.

Siz daho bo’lishingiz kerak.

    Siz, dasturchi bo’lishingiz uchun IQ ingiz baland bo’lishi shart emas. Dasturchilar doimo o’z xatolaridan o’rganib kelishadi. Biror ishni qilishda qiyinchilikka uchrashi mumkin va keyinchalik bu masalani yechimini topadi, shu tariqa o’z xatolaridan o’rganib dasturchi bo’lib yetishadi. 

Xulosa

    Fikrimcha, tepadagi afsonalar sizga juda tanish. Lekin, shunday bo’lsada, bular haqida qisqacha to’xtalib o’tdik. Chunki, endi texnologiya olamiga birinchi qadamini tashlamoqchi bo’lganlarni ko’pchiligi tanqidiy fikrlar ostida qolib, bu sohadan chiqib ketishadi. Ya’ni demoqchimanki, bu maqolani dasturlashni endi o’rganib boshlaganlar uchun bitta motivatsiya sifatida e’lon qildim.

Doimo o’rganishda bo’ling! Izlaning, amalda qo’llang va albatta siz kuchli dasturchi bo’lib yetishasiz!

https://delphi.uz

https://play.google.com/store/apps/details?id=com.delphiapplications.delphiexamples