Kompyuterning qattiq diskidan bilmasdan biror faylni o’chirib qo’ysangiz nima qilish kerak? Qimmatli ma’lumot.

           

             Menimcha bunday holat hammamizda sodir bo’lgan. Kompyuterda fayllar shunday ko’payib ketadiki, keyin siz ulardan o’zingizga keraksiz faylni o’chiraman deb, keraklisini o’chirib qo’yasiz. Keyin esa muammo ustiga muammo.

            Bunday hol menda bitta marta sodir bo’lgan. Xa, aniq esimda. Bilsangiz men dasturlash bilan shug’ullanaman. Men iloji boricha o’zimning proyektlarimga vaqt ajrataman.

            Men 2015-yili Noyabr oyida “English Language” nomli Ingliz tilini “0” dan boshlab “Upper-Intermediate” bo’limigacha o’rgatadigan dasturimni oxiriga yetkazgandim (4-5 oyda ishlab chiqgandim). Keyin dasturimni kodlarini bitta papkaga saqlab qo’ygandim. Ertasiga bitta keraksiz dasturchani o’chirdim. U dastur bilan “English Language” dasturimni kodlari saqlanib turgan papkani ham o’chirib yuboribman. Keyin biroz vaqt o’tgandan keyin Savatchani tozaladim. Ertasiga kelib kompyuterimni yoqib kodlari turgan papkani shu- qarayman, topolmayman. O’shanda tog’risi rosaa-a asabiylashib ketgandim. Salkam 5oylik mehnatim kuyib ketdimi deb juda ko’p o’ylangandim. 😠 😓 😢

            Kompyuterni shundo o’chirib tashlagandim. Keyin  tashqariga chiqib toza havoda dam olib qaytib kirib uyda o’tirdim. Fikri-hayolim faqat shunda edi. 5oylik mehnatim, ko’zimning nurlari, shunchalik harakat bir pul bo’ldi deb juda ko’p o’yladim.

            Adashmasam, shu kuni kechqurun kechki soat 9larda internetda bitta maqola ko’rib qoldim, unda o’chirib yuborilgan fayllarni qanday qilib qaytarishni o’rgatishgan ekan. Bu bitta dastur bilan qilinardi. Faqat bitta narsa bor ekan. Fayllarni o’chirib yuborgandan keyin hech qanday yangi fayl hosil qilmagan yoki yangi dastur o’rnatmagan bo’lishingiz kerak ekan. Xudoga shukur man unday qilmagandim. Keyin dasturni yuklab olib hech qiynalmasdan kodlarimni qaytarib olgandim.

            Men sizga o’sha dasturni yuklab olib o’rnatib qo’yishni tavsiya qilaman. O’zi oldin bunday holatlarga duch kelmang! J

            Bu dunyoda barcha ishni qilish imkoni bor ekan, faqat tushkunlikka tushmasdan, fikrlab ish tutish kerak ekan.  😁😃

         Dasturni nomi Recuva

         Hajmi 5-6 Mb

DASTURNI YUKLASH