Windows operatsion sistemasi haqida ma'lumotlar 2-qism

“WINDOW” inglizcha so’z bo’lib, o’zbek tiliga “oyna”, “lavha” deb, “WINDOWS” so’zi esa “oynalar”, “lavhalar” deb tarjima qilinadi. 


Mazkur sistemaning boshqalardan farqli tomoni shundaki, u yordamida bir vaqtning o’zida ham matnli, ham grafikli,ham hisob-kitobli, ham turli boshqaruv dasturlarini ishlatish imkoniyati mavjud.

 Foydalanuvchi uchun barcha qulayliklarga ega bo’lgan bunday operatsion sistemaning yaratilishi jadallik bilan texnik qurilmalarning rivojlanishiga va shaxsiy kompyuterlarning keng omma tomonidan qo’llanilishiga olib keldi. 

WINDOWS dasturining o’zi qisqa vaqt ichida bir necha variantda ishlab chiqarildi. 1998-yilning yozida yaratilgan WINDOWS 98 yuqori darajadagi ishonchliligi, bezagining yaxshilanganligi, o’z-o’zini “tuzatish”va rivojlantirish uchun maxsus vositalari mavjudligi bilan ajralib turadi.

 Kompyuterlarning jadallik bilan rivojlanishi va operatsion sistemalarga qo’yilayotgan talabning ortib borishi 1999-yil oxiriga kelib WINDOWS 2000 operatsion sistemasining ishlab chiqarilishiga olib keldi. 

U kompyuter resurslaridan yanada to’laroq foydalanish imkonini berdi.

            2001-yilda ishlab chiqilgan WINDOWS XP (eXPerience – tajriba, sinov) operatsion sistemasi WINDOWSning avvalgi naqllaridan o’zagi bilan tubdan farqlanadi.

 Shu bilan birga yuqori darajadagi ishonchliligi, bezagining go’zalligi, o’z-o’zini “tuzatish” va rivojlantirish uchun maxsus vositalari mavjudligi, ko’plab qurilmalarning drayverlarini o’z ichiga olganligi bilan juda ajralib turardi.