Axborot Texnologiya (AT) (Inglizchasiga - IT) sohasida ko’p uchraydigan so’zlarning izohlari [3-qism]

Kompakt disk – optik yozish imkoniyatli magnit disklarga nisbatan bir necha yuz marta katta hajmdagi ma’lumotlarni saqlovchi plastik disk.

Kompyuter – (inglizcha “hisoblovchi inson” ma’nosini anglatadi) turli hajmdagi, har xil ko’rinishdagi axborotlarni tezlik bilan ishlab berishni ta’minlovchi avtomatik qurilma.

Kontekst-menyu  - sichqonchaning o’ng tugmasi yordamida ochiladigan yordamchi amallar ro’yxati.

Magnit disk -  kompyuterning xotira qurilmalarida ishlatiluvchi va bir o’qda parallel joylashgan dumaloq plastina yoki plastinalar shaklida tashkil etilgan ma’lumot tashuvchi; magnit disklarning qattiq va egiluvchan turlari mavjud.

Operatsion sistema (OS) – kompyuter ishga tushirilganda ishga tushib, kompyuter qurilmalari va dasturlarining mutanosib ishlashini ta’minlovchi va insonning kompyuterda ishlashini osonlashtiruvchi dastur; masalan, WINDOWS 98, WINDOWS XP,LINUX, UNIX, DOPPIX, WINDOWS 95 va boshqalar.

Palitra – turli ranglarni tanlash uchun ishlatiladigan ranglar majmui.

Papka – (katalog) tashqi xotiraning guruhlarga ajratilgan fayllar haqidagi ma’lumotlarni saqlovchi qismi.

Piksel – kompyuterda chizilgan har qanday shakl yoki rasm piksellar (nuqtalar) ning to’plamidan iborat.