Axborot Texnologiya (AT) (Inglizchasiga - IT) sohasida ko’p uchraydigan so’zlarning izohlari [1-qism]

Asosiy plata – yaxlit asosga yig’ilgan elekton sxemalar; unda protsessor, tezkor xotira va boshqa sistema elementlari joylashadi.

Belgilangan qism – Paintning ixtiyoriy yoki to’rtburchak sohani belgilash uskunasi yordamida rasmning ajratilgan qismi; ajratilgan qism atrofida uzuq (shtrix) chiziqli to’g’ri to’rtburchak hosil bo’ladi.

Bufer – olingan nusxa joylashadigan kompyuter xotirasining maxsus qismi.

CD-ROM – kompakt disklardagi ma’lumotlarni o’qish qurilmasi.

Dastur (Application) – ma’lum bir vazifani bajarish uchun kompyuterga beriladigan buyruqlarning chekli tartibli ketma-ketligi.

Disket – magnit disklarning egiluvchan turi, ular bir kompyuterdan boshqasiga ma’lumotlarni ko’chirish uchun xizmat qiladi.

Fayl (File) – tashqi xotirada biror nom bilan saqlab qo’yilgan har qanday ma’lumot.

Foydalanuvchi (User) – kompyuterda ishlayotgan shaxs.

Hardware – kompyuter qurilmalari; qattiq qism deb ham ataladi.

Informatika (Computer Science) – kompyuter texnikasi yordamida inson faoliyatining turli sohalarida axborotlarni izlash, to’plash, saqlash, qayta ishlash va undan foydalanish masalalari bilan shug’ullanuvchi fan.

Interfeys (Interface) – dasturning foydalanuvchi ishlashiga qulaylik beruvchi muloqot oynasi.

Internet – Yer sharini qamrab olgan o’zaro bog’liq kompyuter tarmoqlari to’plami.

Ish maydoni – ish stolining piktogrammalardan xoli qismi.

Ishchi maydoni – ishlanayotdan dasturning foydalanuvchi amallar bajarishiga ajratilgan qismi.

Klaviatura (Keyboard) – ustiga harf, son va boshqa belgilar yozilgan klavishlar majmui. Uning yordamida kompyuterga turli ma’lumot va buyruqlar kirtiladi, ya’ni kompyuter bilan muloqot amalgam oshiriladi.